Gilugwayan sa Department of Education (DepEd) ang maximum repayment period sa salary loans sa mga magtutudlo ug uban pang personnel, gikan sa lima ngadto sa pito ka tuig. Matud sa DEPED, ang maong polisiya gilatid sa DepEd Order Number 020, series of 2026 ug gipahiuyon sa guidelines sa Bangko Sentral ng Pilipinas.
Sumala ni Education Secretary SonnyAngara, pinaagi sa mas taas nga loan repayment period, moubos ang binulan nga hulog ug mas modako ang mahabilin nga sweldo sa mga magtutudlo. Tumong matud pa niini niini nga mapagaan ang binulan nga balayrunon sa mga teachers ug school employees nga adunay salary loan.
Ang maong lakang tubag lang usab matud pa sa hangyo sa mga magtutudlo ug school personnel alang sa mas flexible nga loan arrangements. Kini maoy dugang nga reporma human sa miaging pagpalugway sa maximum loan term gikan sa tulo ngadto sa lima ka tuig.
Gilauman nga makatabang kini sa mga magtutudlo ug school personnel sa pagdumala sa ilang pinansyal nga obligasyon ug adlaw-adlaw nga panginahanglan.
Photo Courtesy: The Pinoy OFW
