Patay ang upat ka mga sakay sa usa ka helicopter human nahagsa sa Rio de Janeiro sa nasud sa Brazil diin lakip niini ang tulo ka mga turistang Colombian.
Sumala pa nga nahagsa ang helicopter sa bakilid nga bahin sa Tijuca National Park, diin gikonpirmar sa mga bombero nga naapil og kasunog human nahagsa ang piloto ug tulo ka mga babayi.
Matod ni Diana Paez, Consul General saColombia sa Rio de Janeiro, nga nisuroy ang tulo ka mga babayi nga biktima, aron isaulog ang ika-15 nga birthday sa ilang kabanay. Gikataho nga duna pay kauban ang tulo nga nabulag kanila sanglit tulo lang ang mamahimo nga masakay sa helicopter. Hinungdan nga nagpaabot nalang ang ilang mga kauban sa ilang turno pagsakay sa helicopter.
Sumala pa nga namatay ang apohan, iyaan og ig-agaw sa nagsaulog sa iyang adlawng natawhan diin sila napud unta ang mupuli og sakay sa helicopter kung wala pa kini nahagsa. Sa nasayran, popular ang mga Helicopter rides sa mga turista nga gusto makakita sa nindot nga talan-awon sa Rio de Janeiro.
Samtang, nimando na ang mayor sa Rio de Janeiro, Eduardo Cavaliere, ngadto sa National Civil Aviation Agency nga mupatuman og hugot nga monitoring aron masiguro nga luwas ang mga helicopter sa siyudad.
Photo courtesy: A News
