Opisyal na nga gihangyo sa Estados Unidos ang Gobyerno sa Pilipinas aron nga i- extradite ang iladong televangelist nga si Pastor Apollo Quiboloy aron tubagon ang sex trafficking ug uban pang criminal nga mga kaso nga gisang-at batok kaniya.
Subay sa impormasyon nga ang sulat gipadala sa US Embassy sa Manila pinaagi sa Department of Foreign Affairs, nga mao usab ang niduso niini ngadto sa Department of Justice (DOJ).
Kon kahinumduman nga ang 76 anyos nga si Quiboloy, gikasuhan niadtong 2021 sa usa ka US federal grand jury ug nalakip sa most wanted list sa FBI tungod sa mga kasong conspiracy to engage in sex trafficking by force, fraud and coercion, sex trafficking of children ug bulk cash smuggling.
Kasamtangan pa nga gibilanggo ang nahisgotan sa Pasig City jail tungod sa mga kasong sexual ug child abuse ingon man human trafficking nga nahimo usab sumala pa niini dinhi sa nasud.
Photo courtesy: msn.com
