Nisaka ang personal ug cash remittances nga gipadala sa mga Overseas Filipino (OFWs) ngadto sa Pilipinas niining tuiga, sumala sa pinakabag-ong datos sa Bangko Sentral ng Pilipinas (BSP). Base sa report sa BSP, miabot sa 3.03 bilyon ka US dollars ang personal remittances niadtong Mayo 2026, mas taas kumpara sa 2.97 bilyon ka US dollars nga narekord sa samang bulan niadtong 2025.
Ang personal remittances naglangkob sa kuwarta nga gipadala pinaagi sa mga bangko ug informal channels, lakip na ang remittances in kind. Misaka usab ang cash ug personal remittances gikan Enero hangtod Mayo sa kasalukuyang tuig. Ang pinakadako nga bahin niini naggikan sa mga land-based OFWs, nga nakapadala og 2.17 bilyon ka US dollars.
Ang Estados Unidos gihapon ang nanguna nga gigikanan sa remittances, nga adunay 39.4 porsiyento sa kinatibuk-ang padala. Gisundan kini sa Singapore, Saudi Arabia, Japan, United Kingdom, United Arab Emirates, Canada, Qatar, Taiwan, ug South Korea.
