Gipalugwayan sa Energy Regulatory Commission (ERC) ang moratorium kon temporaryong pagdili sa pagputol sa serbisyo sa kuryente alang sa mga residential ug non-residential nga mga konsumidor nga wala pa makabayad sa ilang mga obligasyon.
Ang maong bag-ong direktiba naglangkob sa mga bayranan gikan sa Agosto hangtod Oktubre 2026, isip dinalian nga tabang sa gobyerno taliwala sa nagpadayon nga nasudnong emerhensya sa enerhiya. Ubos sa maong kamandoan, kadtong mga panimalay nga naggamit og 200 kilowatt-hours o mas ubos pa kada bulan gitugotan nga i-defer o i-oktaba ang pagbayad ug mahimo kini nilang bayran pinaagi sa installment sulod sa dili mominos sa tulo ka bulan.
Gimandoan usab sa ERC ang mga electric distribution utilities ug uban pang kompanya sa sektor sa enerhiya sa pagpatuman sa maong flexible payment scheme aron makuhaan ang pinansyal nga palas-anon sa mga konsumidor, apan giklaro sa ahensya nga giawhag gihapon ang mga adunay ikabayad sa paghimo sa hingpit nga bayad.
Gihatagan sa ERC ang mga distribution utilities hangtod sa Oktubre 30, 2026 aron mosumite sa ilang opisyal nga report isip pamatuod nga ilaha gayud nga gisunod ug gipatuman ang maong kamandoan
Photo Courtesy: ERC
