Mas gipalig-on sa Department of Trade and Industry (DTI) Davao Oriental Provincial Office ang ilang padayon nga pagpatuman sa regular price monitoring sa mga Basic Necessities ug Prime Commodities (BNPCs) nga sakop sa mandato sa DTI matag semana.
Tumong sa maong kalihokan ang pagsiguro nga patas, makatarunganon, ug nahiuyon sa Suggested Retail Price (SRP) ang presyo sa mga batakang panginahanglanon aron mapanalipdan ang interes sa mga konsumidor.
Gani, lakip sa mga produktong gimonitor mao ang Canned fish ug uban pang processed food products, Bottled water, Instant noodles, Coffee, Laundry soap ug detergent, Candles, Bread ug uban pang DTI-monitored commodities.
Samtang gi-awhag usab ang publiko nga kung adunay mamatikdan nga abnormal nga pagsaka sa presyo o posibleng paglapas sa price regulations, mamahimong ireport ngadto sa pinakadoul nga opisina sa DTI aron dali kini nga maaksyonan.
Photo Courtesy:DTI Davao Oriental Provincial Office
