Nagpahayag si Kapamilya host ug komedyante nga si Melai Cantiveros nga dako ang iyang kasadya sa pakigkita pag-usab sa mga Pilipino sa Australia atol sa ASAP XP Australia 2026 nga ipahigayon karong Hulyo 25 sa Sydney.
Matud pa ni Melai, ang maong konsiyerto maoy paagi sa pagpasalamat ug paghatag og kalipay sa mga overseas Filipino workers o OFWs nga iyang gihulagway isip mga modernong bayani. Sa iyang naandan nga pamaagi, gipakataw-an usab niya ang iyang kaugalingon apan misaad nga ihatag ang iyang labing maayo nga kanta ug pasundayag.
Apil usab sa maong show si Kyle Echarri, nga mobalik sa Australia human sa siyam ka tuig. Giingon niini nga adunay espesyal nga sorpresa sa iyang performance, lakip na ang pag-awit og Chinese. Kapin sa 30 ka Kapamilya stars ang motambong sa maong konsiyerto aron makahatag og kalingawan sa mga Pilipino sa Australia.
Photo Courtesy: Preview.ph
