Mokabat sa 20,000 ka mga pulis ang gipaabot nga i-deploy aron masiguro ang kalinaw ug kahapsay sa umaabot nga State of the Nation Address (SONA) ni President Ferdinand Marcos Jr. nga ipahigayon sa Hulyo 27.
Sumala ni National Capital Region Police Office (NCRPO) Spokesperson Major Hazel Asilo, sa pagkakaron wala pa sila’y namonitor nga bisan unsang hulga nga may kalabotan sa maong nasudnong kalihokan.
Gipahayag usab ni Asilo nga hangtod karon wala pa sila makadawat og opisyal nga listahan sa mga grupo nga posibleng magpahigayon og mga lihok-protesta sa adlaw sa SONA.
Bisan pa niini, gipasalig sa Philippine National Police (PNP) nga magpadayon sila sa hugot nga pagmonitor ug pagpatuman sa mga lakang sa seguridad aron maseguro ang malinawon ug luwas nga pagpatuman sa maong kalihokan, lakip na ang pag-atiman sa posibleng mga hulga nga mahimong motumaw.
Photo courtesy: PCO
