Gipatin-aw sa amahan sa Probinsya sa Davao De Oro nga ang programa nga Kapitolyo Maduolan, nga nagtumong sa pagdala sa nagkalain-laing serbisyo sa probinsya direkta ngadto sa mga barangay.
Matod ni Governor Engr. Raul Mabanglo ning bag-ohay lang, nga dili na kinahanglan nga moadto pa ang mga residente sa Kapitolyo aron makabenepisyo sa mga serbisyo sa gobyerno.
Hinuon, ang provincial government mismo ang motuyok sa mga komunidad kauban ang mga board members ug health services team aron maabot ang katawhan.
Samtang, nagpahayag usab og pasalamat si Elena Gumilid, usa sa mga nakabenepisyo sa programa sa Barangay Napnapan. Matod niya, dako ang natabang sa libreng pagproseso sa PSA documents alang kaniya ug sa iyang anak tungod kay nakamenos sila sa gasto sa plete.
Nagpasalamat usab siya kang Governor Mabanglo, sa mayor, ug sa tanang nagdumala sa maong programa nga nagpadayon sa paghatag og serbisyo nga mas sayon maabot sa mga lumulupyo.
Photo Courtesy: wikipedia
