Gikumpirma ni 2025 Miss Philippines Earth Joy Barcoma nga dili siya makatambong sa coronation night sa 2026 pageant ug wala usab siyay tradisyonal nga farewell walk. Bisan adunay mga espekulasyon nga adunay panagbangi tali kaniya ug sa Carousel Productions, wala pa gihapon kini hatagi og opisyal nga pahayag sa organisasyon.
Sa iyang valedictory message, gipasalamatan ni Barcoma ang Miss Philippines Earth Organization sa oportunidad nga nahatag kaniya ug giingong ang iyang kabilin dili masukod sa usa ka farewell walk, kondili sa epekto sa iyang adbokasiya ug pag-alagad sa komunidad.
Samtang nagpadayon ang mga espekulasyon bahin sa iyang pagkawala sa pipila ka kalihokan sa pageant ug sa posibleng paglapas sa kontrata, giingon ni Barcoma nga andam siyang suportahan ang iyang mopuli ug nag-awhag sa publiko nga ipadayon ang pagsuporta sa adbokasiya sa Miss Philippines Earth alang sa pagpanalipod sa kalikupan.
Photo Courtesy: Pep.ph
