Nakuryente ang duha ka lineman atol sa ilang trabaho sa Purok 1, Sitio Kinabutan, Barangay Rizal, Surigao City, Domingo, Hunyo 28, 2026.
Naila ang mga biktima nga sila si Gel Apugan, 31-anyos, residente sa Taganaan, Surigao del Norte, ug si Albert Conde, 31-anyos, residente sa Purok 5, Barangay Balibayon, Surigao City.
Ang duha ka biktima aksidenteng nahikapan ang live-wire hinungdan nga nakurentihan ug dali silang na rescue sa Quick Response Team aron madala sa ospital alang sa medikasyon.
Padayon pa karon ang imbestigasyon sa hinungdan sa nahitabong insidente. Wala pa nasayran ang sitwasyon sa duha ka lineman nga giatiman sa tambalanan.
Photo Courtesy: Rosemarie Pacot Anting
