Gisaulog sa Iligan City Anti-Drug Abuse Council (ICADAC) ang ikaduhang anibersaryo sa Balay Silangan Reformation Center (BSRC) ning miaging adlaw isip kabahin sa selebrasyon sa International Day Against Drug Abuse and Illicit Trafficking (IDADAIT) 2026.
Sumala pa, ang maong kalihokan nagtimaan sa duha ka tuig nga padayon nga pag-alagad ug pagpatuman sa mga programa alang sa rehabilitasyon ug pagbag-o sa kinabuhi sa mga benepisyaryo.
Gitambongan ang selebrasyon sa mga partner agencies, opisyal sa barangay, mga representante sa lokal nga panggamhanan, ug uban pang mga stakeholder.
Gipasiugda sa programa ang kalampusan sa BSRC sulod sa duha ka tuig ug ang padayon nga panaghiusa sa tanang kaabag aron mapalig-on pa ang mga inisyatibo batok sa ilegal nga droga ug alang sa mas luwas nga komunidad.
