Nanguna ang SM Investments Corporation sa talaan sa mga kompanyang Pilipino nga nakasulod sa 2026 Forbes Global 2000, usa ka listahan sa labing dagkong public companies sa kalibutan base sa sales, kita, assets ug market value.
Nakapuwesto ang SM Investments sa ika-1,029 nga dapit, nga adunay market value nga kapin $11.8 bilyon ug assets nga moabot sa $30 bilyon.
Misunod niini ang BDO Unibank, samtang nakasulod usab sa listahan ang Top Frontier Investment Holdings, International Container Terminal Services Inc., Metropolitan Bank & Trust Company, Ayala Corporation ug Meralco.
Matud ni Frederic DyBuncio, ang maong pag ila nagpakita sa pagsalig sa mga kostumer ug mamumuhunan, ingon man sa kalig-on sa ilang mga negosyo.
Gipasabot usab niya nga magpadayon ang kompanya sa pagpamuhunan sa Pilipinas tungod sa ilang pagsalig sa umaabot ug dugayng termino nga pagtubo sa ekonomiya sa nasud.
Photo Courtesy: InsiderPH
