Gisentensyahan sa korte sa South Korea og pito ka tuig nga pagkabilanggo ang kanhi First Lady nga si Kim Keon-hee tungod sa kasong may kalabutan sa pagdawat og mahalong mga regalo isip baylo sa impluwensya sa mga appointment sa gobyerno.
Si Kim, asawa sa kanhi presidente nga si Yoon Suk Yeol, anaa na daan sa prisohan tungod sa laing kaso nga may kalabutan sa korapsyon.
Sumala sa desisyon sa korte, napamatud-an nga nakadawat siya og mga mahalong alahas ug bililhong metal isip kabahin sa usa ka “jobs-for-gifts” scheme o paghatag og pabor sa mga appointment kapalit sa mga regalo.
Ang maong kaso maoy dugang nga hagit sa kanhing first lady ug sa administrasyon sa iyang bana nga nalambigit usab sa nagkadaiyang kontrobersiya sa politika sa South Korea.
Padayon pa ang mga legal nga proseso ug posible pang adunay dugang nga mga kaso nga atubangon sa kanhing first lady.
Photo Courtesy: Wikimedia Commons
