Namahayag si Philippine Drug Enforcement Agency Cebu Acting Provincial Officer IA III Jonar V. Cuayzon nga nagpabiling usa sa mga nagpabilin nga dakong hagit sa kampanya batok sa illegal nga droga sa probinsya ang kakulang sa rehabilitation centers alang sa mga Children in Conflict with the Law (CICL).
Kini ang gipamahayag ni Cuayzon atol sa “Kapihan Kontra Droga” subay sa International Day Against Drug Abuse and Illicit Trafficking (IDADAIT).
Sumala pa nga pila sa mga gihimo karon sa PDEA aron maibanan ang illegal nga drugas mao ang Supply Reduction diin nagpadayon karon ang kampanya sa pagpuhag sa mga drug dens, pagpahigayon og mga buy-bust operations batok sa mga durugista diin tumong nga mapugnan ang mga tigbaligya ug mga pushers sa pagpadayon sa suplay sa illegal nga drogas sa komunidad.
Samtang laing gihimo nila mao ang Demand Reduction diin tuyo sab niini nga maluwas ug matabangan ang mga biktima sa illegal nga drugas pinaagi sa pag-edukar sa mga wala pa makasulay, nga di gyud musulay ug ingon man ang pagpabalik sa mga tiggamit og illegal nga drugas ngadto sa maayong pagkinabuhi og malayo sa bisyo.
Photo courtesy: DSWD Field Office 7 – Central Visayas
