Patay ang Yemeni journalist nga si Mohammed Aydah, correspondent sa Saudi Arabia’s Al Arabiya ug Al Hadath television channels, human mibuto ang bombang gitanom sa iyang sakyanan sa syudad sa Mukalla, Hadramout governorate sa Yemen niadtong Miyerkules, Hunyo 25, 2026 sa gabie.
Wala pay grupo nga miangkon sa maong panghitabo, samtang gimando ni Yemeni Presidential Leadership Council Chairman Rashad Alimi ang usa ka taas nga lebel nga imbestigasyon aron mahibal-an ang responsable sa insidente.
Nahitabo ang trahedya taliwala sa nagpadayon nga tensiyon sa politika ug panagbangi tali sa Saudi-backed government forces ug UAE-backed Southern Transitional Council sa maong nasud.
Giila ang Yemen isip usa sa labing delikadong mga nasud alang sa mga mamamahayag tungod sa dugay nang kagubot ug hulga sa seguridad nga giatubang sa media workers sa maong rehiyon.
Photo Courtesy : Real Broadcasting Network
