Nagkaduol na sa pagpirma og bag-ong kontrata ang Los Angeles Lakers guard nga si Austin Reaves, diin sumala sa nagkadaiyang report, mopirma kini og upat ka tuig nga kontrata nga nagkantidad og $185 milyon.
Ang maong kasabutan adunay player option alang sa season 2029-2030. Aron matuman kini, gisalikway ni Reaves ang iyang $14.9 milyon nga player option alang sa 2026-2027 season.
Kung mapormal na ang kasabutan, kini ang mahimong pinakadako nga kontrata sa kasaysayan sa NBA alang sa usa ka undrafted player.
Sa miaging season, nakarekord si Reaves og career-high nga 23.3 puntos, 5.5 assists, ug 4.7 rebounds matag duwa bisan pa sa iyang pag-absent sa pipila ka mga duwa tungod sa injury.
Si Reaves wala mapili sa 2021 NBA Draft, apan nahimong usa sa mga importanteng players sa Lakers ug padayon nga nagpakita og impresibong performance sa liga.
Photo Courtesy: Bleacher Report
