Naglunsad gilayon og imbestigasyon ang Police Regional Office X batok sa pulis nga nalambigit sa komosyon sa Dapitan City ning bag-ohay lang.
Miaksyon dayon ang Misamis Occidental Police Provincial Office human sa nahitabong komosyon tali sa usa ka police officer ug sibilyan sa Barangay Antipolo, Dapitan City.
Matod ni PMaj Joan Navarro, tigpamaba sa PRO10 nga naka restrictive custody ang police officer ug gidisarmahan human kini ang mireport sa iyang opisina sa Sapang Dalaga MPS samtang nagpadayon ang imbestigasyon.
Gipasabot ni PMaj Navarro nga kabahin kini sa due process sa Philippine National Police aron masuta ang tanang ebidensya ug kahimtang sa nahitabo.
Posible usab nga maatubang sa administrative cases ang police officer lakip ang grave misconduct ug conduct unbecoming of a police officer, ingon man posibleng kasong kriminal nga grave threat kon mapamatud-an sa imbestigasyon.
Photo courtesy: PNP Misamis Occidental Police Provincial Office
