Gipili sa Washington Wizards si AJ Dybantsa isip No. 1 overall pick sa 2026 NBA Draft nga gihimo niadtong Martes (Miyerkules sa Pilipinas).
Si Dybantsa, usa ka 6-foot-8 nga forward gikan sa BYU, nakapakita og impresibong performance sa NCAA Division I human siya mitapos sa miaging season isip top scorer nga adunay average nga 25.5 puntos kada duwa.
Ang Washington Wizards nagtapos sa miaging season nga adunay 17–65 win-loss record ug wala nakasulod sa playoffs, nga maoy hinungdan sa ilang pagpili og bag-ong pundasyon sa team pinaagi sa draft.
Sa ikaduhang pick, gipili sa Utah Jazz si Darryn Peterson sa Kansas, samtang ang Memphis Grizzlies mikuha kang Cameron Boozer sa Duke sa No. 3 pick.
Sunod, si Caleb Wilson sa North Carolina (UNC) gipili sa Chicago Bulls sa No. 4, ug si Keaton Wagler sa Illinois gidala sa Los Angeles Clippers sa No. 5 pick.
Ang Brooklyn Nets mipili kang Mikel Brown Jr. sa Louisville sa No. 6, samtang si Darius Acuff Jr. sa Arkansas napunta sa Sacramento Kings sa No. 7. Si Kingston Flemings sa Houston gipili sa Atlanta Hawks sa No. 8.
Sa Top 10, si Morez Johnson Jr. napunta sa Dallas Mavericks, ug si Brayden Burries sa Milwaukee Bucks. Nagpadayon pa ang first round sa maong draft.
Photo Courtesy: Sky Sports
