Gitay-og sa usa ka magnitude 5.6 nga linog ang Mendocino County sa amihanang bahin sa California sumala sa U.S. Geological Survey (USGS) niadtong Miyerkules.
Natala ang sentro o epicenter sa linog mga 11 ka kilometros sa amihanan sa Redwood Valley, ug adunay giladmon nga 8.1 ka kilometros. Base sa mga taho, wala pay naitalang kadaot sa kabtangan o mga nasamdan tungod sa maong linog.
Bisan pa, wala usab mabati ang pag-uyog sa San Francisco Bay Area, nga nahimutang mga 240 ka kilometros gikan sa epicenter.
Samtang, gipahibalo sa opisina ni Gavin Newsom nga ilang gisubay pag-ayo ang sitwasyon ug padayon nga nakigkoordinar sa mga emergency officials aron masusi kon adunay posibleng epekto o kadaot nga nahatag sa linog.
Photo Courtesy: New York Post
