Mopirma na ang NBA star nga si Trae Young og bag-ong kontrata sa Washington Wizards nga mokantidad og kapin 212 milyon US dollars o dul-an 12 bilyon pesos sulod sa upat ka tuig.
Ang 27-anyos nga four-time All-Star mipili nga magpabilin sa Wizards human niya gibalibaran ang iyang $49 milyon nga player option sa nakalaby nga semana. Sumala sa report, ang bag-ong deal mao ang pinakadako nga kontrata nga pwede niyang mapirmahan isip free agent.
Pinaagi sa maong kontrata, mahimong teammate si Young ug ang veteran player nga si Anthony Davis sa pagpangulo sa Wizards aron mabalik ang koponan sa NBA playoffs.
Sa miaging season, kahibaloan nga na-injured si Young sa iyang tuo nga tuhod. Human sa trade gikan sa Atlanta Hawks ngadto sa Wizards, nakadula lamang siya og 15 games ug nakarekord og average nga 17.9 points ug 8 assists matag dula.
Photo Courtesy: Yahoo Sports
