Pormal nga gipahibalo ni British Prime Minister Keir Starmer ang iyang pagluwat sa katungdanan isip Prime Minister ng United Kingdom ug lider sa Labour Party.
Gihimo ni Starmer ang maong emosyonal nga anunsyo atubangan mismo sa iyang opisyal nga pinuy-anan sa 10 Downing Street kagahapon, Hunyo 22.
Matod pa ni Starmer, gidawat niya “ubos sa dako nga pagtahod” ang desisyon sa iyang mga kaubang magbabalaod sa parlamento (parliamentary party) kinsa nagtuo nga dili na siya ang haom nga manguna sa partido alang sa mosunod nga nasodnong eleksyon.
Kahinumduman nga si Starmer ang nangulo sa makasaysayanong landslide victory sa Labour Party niadtong tuig 2024. Apan sa milabayng mga bulan, nakasinati og grabeng pag-ubos sa popularidad ang iyang administrasyon dungan sa nasinating presyur gikan mismo sa sulod sa iyang partido.
Gitakda ni Starmer ang Hulyo 9 isip pagsugod sa nominasyon alang sa mopuli sa iyang pwesto. Gilauman nga mapili ang bag-ong Prime Minister sa dili pa mobalik ang sesyon sa Parlamento karong Septyembre.
Samtang wala pa’y pormal nga mapili, magpabilin una si Starmer sa iyang katungdanan aron masiguro ang hapsay nga pagbalhin sa gahom.
Photo Courtesy: Global Times
