Gipasigarbo ni Pres. Ferdinand Bongbong Marcos Jr. nga natuman niini ang iyang saad nga ayohon ang nagubang bahin sa Metro Cebu Expressway (MCE) Segment 3A sa may Brgy. Cantao-an, dakbayan sa Naga, ning probinsya sa Sugbo.
Gibutyag sa presidente nga niadtong tuig 2023 naguba ang maong dalan human natigayon ang usa ka landslide hinungdan nga nisaad nga ayuhon kini sanglit naglisud pag-agi ang mga trabahante nga kinahanglan pang molakaw aron makaabot sa trabahoan.
Kagahapon personal niya kini gibisita ug giinspeksyon diin niya nakita nga maagian na og mga sakyanan ang bahin sa dalan nga kaniadto naguba butang nga gikalipay niini.
Kuyog ni PBBM sa pag-inspection kagahapon mao sila si DPWH Sec. Vince Dizon, DTI Sec. Ma. Cristina Roque ug Cebu Gov. Pamela Baricuatro.
Photo courtesy: CDN Digital
