Nasunog ang usa ka panimalay nga gipanag-iyahan sa pamilya Campomanes sa Rose Street, Bansalan, Davao del Sur kagahapon, Hunyo 22, 2026.
Base sa inisyal nga impormasyon, luwas ang tanang nagpuyo sa maong balay ug walay natala nga nasamdan sa insidente.
Dali usab nga mitubag ang mga personnel sa BFP Bansalan Fire Station, kauban ang Bansalan Rescue ug mga lokal nga otoridad aron mapugngan ang pagdako sa sunog.
Padayon pa ang pag-imbestigar sa mga awtoridad aron matino ang hinungdan sa sunog ug ang kantidad sa mga nadaot nga kabtangan.
