Gisikop ang usa ka lalaki kinsa nag-atubang sa kasong sexual assault pinaagi sa gipahigayon nga intelligence-driven joint law enforcement operation sa Purok Gabi, New Sicayab, Polanco, Zamboanga del Norte niadtong nakalabay nga adlaw.
Giila ang dinakpan nga si alyas Gibo, 35-anyos. Gisikop ang akusado pinasikad sa warrant of arrest sa nasangpit nga kaso nga gipagula ni Florendo Bolante Opay, Presiding Judge of RTC, 9th Judicial Region, Branch 4, Dapitan City, Zamboanga del Norte pinetsahan ug Hunyo 8, 2026.
Adunay girekomendar nga pyansa ang korte nga mokabat sa Php200,000. 00 alang sa temporaryong kagawasan niini.
Gipangunahan ang maong operasyon pinaagi sa mga personahe sa Polanco Municipal Police Station kauban ang Zamboanga del Norte Provincial Intelligence Unit (ZNPIU), Anti-Kidnapping Group – Mindanao Field Unit (AKG-MFU), ug 1st Provincial Mobile Force Company.
Balhog ngadto sa Polanco Municipal Police Station ang dinakpan alang sa tukmang disposisyon.
