Mibisita ang aktres nga si Claudine Barretto sa haya ni Rene Baterbonia sa usa ka memorial chapel sa Quezon City aron personal nga makigduyog sa kasubo sa pamilya.
Sa iyang pag-abot uban ang tulo ka kauban, gipadayag ni Barretto ang iyang pakigsempatiya ilabina sa inahan ni Baterbonia. Matod pa niya, isip usa usab ka inahan, nasabtan niya ang gibug-aton sa kasakit nga giagian sa pamilya.
Gipasabot sa aktres nga ang iyang pagbisita usa ka pamaagi sa paghatag og suporta sa inahan sa biktima, nga usa sa iyang tagasuporta o “Claudinian.”
Nahinumduman nga gikumpirma sa Ateneo nga si Baterbonia ug ang iyang kauban sa team nga si Divine Adili namatay human malumos atol sa usa ka team-building activity sa Dipaculao, Aurora niadtong Lunes.
Ang mga patayng lawas ni Baterbonia dad-on sa Davao City alang sa public viewing sa Christ the King Chapel sa Ateneo de Davao Senior High School Bangkal Campus, sa dili pa kini ilubong sa Talacogon, Agusan del Sur. Samtang ang lawas ni Adili ibalik sa Nigeria subay sa hangyo ug tradisyon sa iyang pamilya.
Photo Courtesy: PEP.ph
