Gipakita sa bag-ong Workplace Happiness Index sa online jobs platform nga Jobstreet by SEEK nga ang mga Filipino workers mao ang ikaduha sa pinakamalipayon sa ilang trabaho sa Southeast Asia.
Sumala sa survey, 77% sa mga empleyado sa Pilipinas ang miingon nga sila somewhat o extremely happy sa trabaho, sunod sa Indonesia nga adunay 82%.
Sa Pilipinas, ang mga trabahante sa Visayas ang adunay pinakataas nga lebel sa kalipay nga 82%, gisundan sa National Capital Region (77%), samtang 76% sa Luzon ug Mindanao ang miingon nga malipayon usab sa ilang trabaho.
Bisan og sweldo ang pinakadako nga factor sa pagdani ug pagpabilin sa empleyado, gipakita sa report nga mas dako og epekto ang “purpose at work” o kahulugan sa trabaho sa overall job satisfaction.
Gipakita usab nga 77% sa mga trabahante ang nakabati nga sila gi-value sa ilang kompanya, ug 74% ang nag-ingon nga fulfilling ang ilang trabaho.
Apan bisan pa sa taas nga lebel sa kalipay, 38% sa mga empleyado miangkon nga sila kapoy o burnout, samtang 41% ra ang miingon nga kontrolado nila ang ilang stress levels.
Photo Courtesy: ere
