Fully operational na ang pinakaunang utility-scale solar power project sa Misamis Oriental nga FDC Grid Misamis Solar Plant nga nahimutang sa Phividec Industrial Estate. Ang proyekto gipangulohan sa Gutianon Family ug gisugdan pa niadtong miaging tuig hangtod nga nahuman sa katapusan sa 2025.
Gilauman nga dako kini og ikatabang sa pagpalig-on sa renewable energy ug dugang suplay sa kuryente sa Northern Mindanao. Pinaagi sa solar energy, gitinguha usab sa proyekto nga makatabang sa pagminus sa pagsalig sa tradisyonal nga gigikanan sa kuryente ug pagpalambo sa mas limpyo ug environment-friendly nga enerhiya.
Ang Misamis Solar Power Plant giila usab isip usa ka dakong development sa energy sector sa rehiyon ilabina sa padayon nga pagsaka sa panginahanglan sa kuryente.
