Giduso ni Nueva Vizcaya Representative Timothy Joseph “Tim” Cayton ang House Bill No. 9331 nga balaodnon nga maghatag ug dugang suporta sa mga kawani sa gobyerno taliwala sa padayong pagsaka sa presyo sa pagkaon, plitehan, kuryente, gasolina, tambal, ug uban pang nag-unang panginahanglanon.
Target sa maong balaudnon ang pag-amendar sa Personnel Economic Relief Allowance (PERA) sa mga kawani sa gobyerno ug umentohan kini ngadto sa ₱9,000 matag bulan gikan sa kasamtangang ₱2,000 matag bulan.
Kung madayon, lakip sa makapahimulos sa niini ang mga regular, casual, contractual, appointive, ug elective government employees ubos sa Compensation and Position Classification Act.
Matod ni Cayton, kinahanglang palig-unon ang suporta sa mga magtutudlo, nurse, pulis, sundalo, empleyado sa lokal nga kagamhanan ug uban pa nga padayong nagserbisyo sa katawhan bisan pa sa nagkadako nga gasto sa matag adlaw.
Photo courtesy: Philstar
