Mas gipalig-on sa mga personahe sa Mati City Police Station ang police visibility ug foot patrol operations sa vital establishments sulod sa dakbayan sa Mati pasado alas 11:00 sa buntag kagahapong adlawa Mayo 17, 2026.
Tumong niini aron nga masiguro ang kaluwasan sa publiko ug mapadayon ang kalinaw ug kahapsay sa komunidad. Pinaagi sa pagpanguna ni PLTCOL FREDERICK C SA-AO, Acting Chief of Police mas napalig-on ang maong lakang, diin ang mga patrollers aktibong naglibot sa nagkalain-laing establisyemento sa Brgy. Dahican.
Gani, gisiguro niini nga mapugngan ang posibleng kriminalidad, mapalig-on ang presensya sa kapulisan, ug makahatag dayon og tabang ug seguridad sa katawhan.
Samtang padayon ang kapulisan sa ilang mga paningkamot sa pagmintinar sa malinawon ug luwas nga palibot alang sa tanang residente ug bisita sa dakbayan sa Mati.
Photo Courtesy: Mati CPS
