Nipadayag ang aktres-host nga si Kim Chiu sa iyang panglantaw human makadawat og mga pagsaway ug hulga kalabot sa iyang pamahayag sa social media bahin sa mga nanghitabo sa nasud.
Sa iyang post, niingon si Kim nga naguol siya kay murag gusto na lang siyang pahilomon tungod lang sa pagpadayag sa iyang opinyon.
“Makasubo. Mao kana ang mahitabo kung ang kabalaka ug opinyon dili mohaum kanila-gusto nila nga pahilomon dayon,” matod ni Kim.
Gitataw usab sa aktres nga isip Bisaya ug Filipino, aduna siyay katungod sa pagsulti ug pagpadayag sa iyang hunahuna.
Photo Courtesy: Metro Style
