Giuyog sa magnitude 6.3 nga linog ang amihanang dapit sa Japan, matod sa Japan Meteorological Agency (JMA). Natala ang linog sa dagat duol sa amihanang Miyagi Prefecture.
Wala hinuoy gipagawas nga tsunami warning ug wala sab report nga adunay nadaot human sa giingong linog. Ang maong linog nahitabo human sab sa magnitude 7.7 nga niigo sa samang rehiyon niadtong Abril.
Nipahimangno ang JMA nga posible ang mas kusog nga pag-uyog sa maong dapit bisan nga gilibkas na ang unang earthquake advisory.
Samtang subay sa report nga walay nakitang abnormalidad sa mga nuclear power plant sa Miyagi ug sa duol niini nga Fukushima Prefecture.
Tungod sa nasinatian, kasamtangang gipahunong una ang operasyon sa Shinkansen bullet trains, matod sa East Japan Railway.
Photo courtesy: MSN
