Personal nga gitunol ni Sir Richard Soriano Villaronte ang Founder and Chairman sa Juander Radyo Loyalista Incorporated. Ang pagtunol sa plaque of recognition ug cash award atol sa “FELLOWSHIP AND AWARDING CEREMONY” nga gipahigayon sa Purok 1, Halapitan, San Fernando, Bukidnon, May 18, 2026.
Mokabat sa 19 ka coordinator kinsa 5 ka tuig na pataas ang serbisyo sa organisasyon, samtang 4 ka coordinator ang 10 na ka tuig sa serbisyo ang nakadawat sa kinasing-kasing nga pahalipay, diin ang kinatibuk-ang San Fernando Cluster mokabat sa 45 ka coordinator nga gipangulohan ni Cluster head Mary Jane Estrada.
Kinasing-kasing nga gipasalamatan ni sir Richard Soriano Villaronte, ang mga coordinators sa ilang sakripisyo nga gihimo isip boluntaryo nga nagserbisyo sa organisasyon. Samtang dili sab masukod ang gibating kalipay sa mga awardees nga coordinators sa maong talagsaong pag-ila ug gipasalig ang ilang makanunayon nga suporta sa organisasyon.
Ang maong mahinungdanong okasyon naghiusa sa mga miyembro pinaagi sa pag-ila sa ilang mga paningkamot, ug paghatag og inspirasyon. Kini nga kalihokan nagpakita nga ang kakugi, dedikasyon, ug boluntaryong serbisyo adunay angayang pag-ila ug pagpasalamat.
