Giatangan gihapon sa buhatan sa LTFRB X, ang mga updates kabahin sa una na nga gisuspende sa Presidente nga usbaw pletehan sa mga pampublikong transportasyon kung kini ba mapatuman o hingpit nang makalimtan.
Sumala pa ni Atty. Maulana Ahmad III, Record Officer sa LTFRB X nga walay kasiguraduhan kung mapatuman ang usbaw pletehan labi pa nga dili sab buot sa gobyerno ipasa kini ngadto sa mga commuters tungod tanang katawhan ang apektado sa oil crisis.
Apan pagsiguro ni Atty Ahmad, padayon ang ilahang ginahimo nga mga tabang sa transport sector katimbayayong ang ubang ahensya sa gobyerno lakip ang padayong paghatag og ayuda, pagpatuman og 10 pesos discount ug ang service contracting program.
Gihangyo sab niya ang mga commuters nga kung adunay sobra-sobra sa ilahang mga sinsilyo, boluntaryo nalang sab kining ihatag sa mga driver.
Photo courtesy: LTFRB X
