Nasikop sa mga personahe sa Manay Municipal Police Station uban sa laing mga operatiba ang usa ka lalaki nga gikonsiderang Top 1 Provincial Level Most Wanted Person atol sa gikasang operasyon sa Brgy. Central, Manay, Davao Oriental pasado alas 5:00 sa hapon niadtong Mayo 13, 2026.
Ang suspek nadakpan pinaagi sa pagpatuman sa warrant of arrest alang sa kasong Murder sa Article 248, ilalom sa Criminal Case No. 10625-26 nga walay pyansang girekomendar ang korte.
Human niini, gipahibalo ang dinakpan sa rason sa iyang pagkasikop pinaagi na sa pinulongan nga iyang nahibal-an ug nasabtan.
Sa kasamtangan ang akusado anaa na sa kustodiya sa kapulisan alang sa tukmang disposisyon.
Photo Courtesy: Manay MPS
