Nadakpan sa mga otoridad ang usa ka indibidwal atol sa gipatumang Search Warrant Operation didto sa Purok Upper Narra, Barangay Baybay, Cateel, Davao Oriental niadtong Mayo 14, 2026.
Ang operasyon gihimo sa mga operatiba sa Cateel Municipal Police Station, kauban ang PDEU DOPPO ug lain pang law enforcement units nga nagresulta sa pagkasikop ni alyas Alyas “Paul” 45 anyos, adunay ka live-in, walay trabaho ug lumolopyo sa maong lugar.
Naaresto ang suspek pinaagi sa Search Warrant No. 011-2026 nga giisyu sa korte ug nakumpiska gikan sa posisyon sa dinakpan ang usa (1) unit sa .38 revolver ug tulo (3) ka buhing bala.
Sa pagkakarun ang akusado anaa na sa kustodiya sa Cateel Municipal Police Station alang sa tukmang disposisyon ug mag atubang sa kasong paglapas sa RA 10591 kun Comprehensive Firearms and Ammunition Regulation Act.
Photo Courtesy: Cateel MPS
