Nakaimbento ang mga researchers sa South Korea og 3D-printed artificial cornea nga posibleng makatabang sa minilyon ka tawo nga adunay problema sa panan-aw.
Gigamit sa mga researcher ang usa ka espesyal nga “bioink” nga gihimo gikan sa natural nga tisyu sa mata ug stem cells aron masundog ang komplikado ug sensitibong mga sapaw sa tinuod nga cornea sa tawo.
Usa sa nakatabang pag-ayo sa ilang kalampusan mao ang paggamit sa teknik nga gitawag og “shear stress” atol sa proseso sa pag-print. Pinaagi niini, nahimutang og tarong ang gagmay’ng fibers aron masumpay sa estruktura sa natural nga cornea.
Sa unang mga tuig, daghang artificial cornea ang gihimo gikan sa plastik apan kasagaran kini gisalikway sa lawas sa pasyente. Apan kining bag-ong bersyon nga gihimo gikan sa natural nga materyales mas klaro, mas flexible ug mas luwas gamiton.
Gituohan sa mga eksperto nga kini nga teknolohiya mahimong dako’g tabang sa pagsulbad sa kakulang sa human eye donors nga maoy hinungdan nganong daghang pasyente ang dugay makapaabot alang sa transplant.
Pinaagi sa pagpatubo sa cornea sulod sa laboratoryo, posible nga mas daghang tawo ang matagaan og higayon nga makakita pag-usab nga dili na kinahanglan maghulat og donor.
Photo Courtesy:3DPrint.COM
