Nagpadayon ang pagtangtang og mga empleyado sa dagkong kompanya sama sa Amazon, Meta, ug Walmart, kung asa, gibana-banaang napulo ka libo ka mga trabahante ang naapektuhan sa ilang mga restructuring efforts.
Sumala sa report, usa sa mga rason sa mass layoffs, mao ang pag-adjust sa mga kompanya ngadto sa paggamit sa artificial intelligence (AI) ug automation, nga nakaapekto sa panginahanglan sa human workforce. Lakip usab sa hinungdan ang pagmenos sa galastuhan ug pag-atubang sa nagpadayon nga kawalay kasigurohan sa global nga ekonomiya.
Bisan pa sa kalamboan sa teknolohiya, nagbilin kini og dakong hagit sa labor sector, ilabi na sa mga empleyado nga nawad-an og trabaho. Tungod niini, ginaaghat ang mga gobyerno ug pribadong sektor nga magtinabangay sa paghatag og suporta ug bag-ong oportunidad sa mga apektadong mamumuo.
Photo Courtesy: extensiv
