Malipayon ug puno sa gugma ang pagsaulog sa ika-77 nga adlawng natawhan ni Dionisia Pacquiao o mas nailhan isip “Mommy D,” uban sa iyang pamilya, suod nga higala, ug mga minahal sa kinabuhi.
Mas nahimong espesyal ang maong selebrasyon human siya masorpresa sa usa ka elegante ug dako nga bouquet of flowers gikan sa iyang pinalanggang partner nga si Mike Drilon Yamson. Ang romantikong sorpresa maoy hinungdan sa dakong pahiyom ug kilig ni Mommy D atol sa iyang birthday celebration.
Bisan sa iyang edad nga 77, padayon gihapon si Mommy D sa paghatag og inspirasyon sa daghang Pilipino pinaagi sa iyang malipayong personalidad, lig-on nga pagtuo sa pamilya, ug positibong panan-aw sa kinabuhi. Nailhan siya isip inahan sa boxing icon nga si Manny Pacquiao ug usa gihapon sa mga paboritong personalidad sa showbiz ug social media tungod sa iyang natural nga karisma ug pagka matinud-anon.
Sa pagkakaron, malinawon ug malipayon ang personal nga kinabuhi ni Mommy D uban kang Mike Yamson, nga pirming makita nga mosuporta ug maghatag og espesyal nga pag-atiman kaniya. Daghang netizens usab ang nalipay sa ilang relasyon tungod sa makita nga genuine nga paghigugma ug respeto sa usag usa.
Sa mensahe alang kang Mommy D, daghan ang naghandum kaniya og maayong panglawas, dugang kalipay, ug mas daghang panalangin uban sa iyang pamilya ug mga minahal sa kinabuhi.
Photo Courtesy: URBANOS TRAVEL
