Patay ang usa ka menor de edad human malumos sa lawom nga bangag nga kinalutan sa backhoe sa sapa didto sa Purok 8, Barangay Silae Malaybalay City, pasado alas 3:00 sa hapon Mayo 14, 2026.
Base sa taho, ang biktima uban sa iyang pamilya gikan pa sa bukirong bahin diin sila nananom og mais. Samtang padulong pauli, miagi sila daplin sa sapa ug giingong naslide dayong nahulog sa adunay lawom nga kinalutan hinungdan sa iyang pagkalumos.
Dali nga gidala sa iyang mga paryente ang biktima ngadto sa Upper Pulangi Hospital apan gideklarar kini nga dead on arrival sa attending rural health nurse.
Sa dugang imbestigasyon, nasuta nga ang maong kinalutan gigamit alang sa clearing operations nga gi-operate sa usa ka hamtong nga lalaki apan wala kini’y klarong legal nga dokumento o permit.
Nahibal-an usab nga ang operasyon giingong gihimo ubos sa verbal nga mando sa usa ka IPMR ug foreman human adunay hangyo nga hukayon ang lugar.
Sa pagkakaron, ang mga patayng lawas sa biktima anaa na sa ilang pinuy-anan sa maong barangay samtang padayon pa ang imbestigasyon aron matino ang posibleng responsibilidad ug ubang kahimtang nga may kalabotan sa insidente
Photo Courtesy: Malaybalay City Police Station
