Pormal nang gisugdan kagahapong adlawa, Mayo 15 ang 27th P’gsalabuk Festival sa Dipolog City nga gipahigayon sa Dipolog Boulevard pinaagi sa usa “Tuloy Salu-Salo” nga nagdala sa temang “Pagkakaisa Taliwala sa Pagkalainlain”.
Usa ka seremonyal nga pagluto sa tradisyonal nga mga putahe sama sa sugba, kilaw, ug tula ang nagpasiugda sa selebrasyon, diin ang tanan gidapit sa pag-ambitay sa pagkaon, nagsimbolo sa pagkamaabiabihon, panaghigalaay, ug panaghiusa sa mga Dipolognon.
Gipangunahan ang maong kalihukan pinaagi sa kagamhanang local sa dakbayan sa Dipolog. Ang mga barangay officials, provincial board members, national government representatives, uniformed personnel, educators, ug nagkalain-laing stakeholders miduyog usab sa opening festivities.
Nakadugang sa kahinam sa selebrasyon mao ang pag-abli sa Bancarera Tournament, nga nagpakita sa usa ka kulbahinam nga lumba sa motorboat ubay sa kabaybayonan sa boulevard, nga nakadani og mga kalipay gikan sa mga tigtambongan sa pista ug mga tumatan-aw nga nagtapok sa baybayon.
Ang maong kalihokan nagbutang sa usa ka madasigon ug makahuluganon nga selebrasyon sa P’gsalabuk Festival nga padayong nagpakita sa kultura, panaghiusa, ug lagsik nga diwa sa komunidad sa dakbayan sa Dipolog.
Photo Courtesy: Dipolog City Government
