Giila karon sa Department of Trade and Industry (DTI) ang ube isip usa sa mga bag-ong “export star” o sikat nga produkto sa nasod human kini nakatala og paspas nga pagsaka sa merkado sa gawas sa nasod.
Matod ni Trade Secretary Cristina Roque, dako ang potensyal sa maong halamang-ugat dungan sa pagtaas sa global demand alang sa mga produkto nga ube-based sama sa powder, puree, ug ube halaya.
Sa pinakabag-ong datos, nikita ang Pilipinas og kapin sa $3 milyon gikan sa pag-eksport niini ngadto sa mga nasod sama sa Amerika, Japan, ug Middle East.
Aron mapadayon ang maong kalamposan, gipasalig sa ahensya ang padayong pagtabang sa mga lokal nga magsasaka ug MSMEs aron mapalambo pa ang kalidad sa ilang produkto.
Kining maong lakang gilauman nga mas moabli pa og dako nga oportunidad sa ekonomiya ug magdala sa garbo sa pagkaong Pinoy sa tibuok kalibutan
Photo Courtesy:Nutri scan app
