Giklaro sa Provincial Health Office of Misamis Oriental nga ang sobra nga stress mahimong usa sa mga hinungdan nga maka-trigger sa mga sakit nga posibleng moresulta sa kamatayon.
Matod ni Doctor Ted Yu sa PHO importante nga mahatagan og hustong pagtagad ang work-life balance aron mapadayon nga himsog ang panglawas ug mamonitor ang kahimtang sa lawas ug pangisip.
Gipasiugda usab ni Doc. Yu nga kinahanglan adunay kooperasyon tali sa mga trabahante, human resources ug management aron mapalig-on ang healthy ug luwas nga working environment.
Dugang pa, ang pag-atiman sa mental ug physical health makatabang sa paglikay sa seryosong sakit ug pagpaubos sa stress-related health problems.
Photo courtesy: Misamis Oriental Provincial Information Office
