Nakadani og daghang turista ang usa ka talagsaong rice field art sa Gula Rice Field Art Scenic Area, sa dakbayan sa Nanning south China, diin gihimong dako ug buhing obra ang umahan pinaagi sa lainlaing kolor sa humay.
Gigamit isip “paint” ang mga koloradong tanom sa humay aron makahimo og nagkalainlaing disenyo ug hulagway nga makita ibabaw sa mga umahan. Atol sa selebrasyon sa May Day holiday, dagsang ang mga bisita nga miadto sa maong lugar aron mo suroy, magkuha og hulagway ug malingaw sa talagsaong kombinasyon sa agrikultura ug art.
Nahimong atraksyon ang maong rice field art tungod sa kreatibong paagi sa pagpakita sa katahum sa kabanikanhan ug paghatag og bag-ong porma sa rural tourism. Gituohang dako usab kini og tabang sa pagpasiugda sa lokal nga turismo ug pagdani sa mas daghang turista nga interesado sa kultura ug agrikultura sa lugar.
Ang maong proyekto giila karon isip usa ka “open-air gallery” diin ang ordinaryong umahan nahimong makabungog nga obra sa kinaiyahan.
Photo Courtesy: CGTN
