Nalingaw ang mga netizen sa mikatap nga balita online human ang mag-igsoon nga nakadaog og lotto, niadtong Marso 2016, nagbakasyon sila James ug Bob Stocklas gikan sa Pennsylvania sa Florida Keys alang sa usa ka bulan nga pagpangisda.
Samtang didto, pareho silang mipalit og kaugalingong Powerball tickets para sa parehas nga draw. Pagkahuman sa raffle, nakurat si James human madaog ang jackpot nga nagkantidad og $291.4 milyon. Apan si Bob? Nakadaog lang siya og $7.
Bisan pa man sa dako kaayong kalainan sa ilang gidaug, nakadani kini og simpatiya online ang reaksyon sa Florida Lottery. Gihimuan nila si Bob og full-size ceremonial check alang sa iyang $7 nga premyo ug gipapicture silang duha nga nagkupot sa ilang “winnings” side by side.
Daghan ang nakaingon nga usa kini ka perpektong ehemplo kung giunsa sa kinabuhi ang pagbutang sa duha ka tawo sa parehas nga sitwasyon, apan lahi kaayo ang resulta.
Karon, daghang netizens ang nangutana, kung ikaw si James, imo bang ipaambit ang imong milyon ngadto kang Bob? O padayon lang ang sibling rivalry ug pagpanghambog.
Photo Courtesy : Reddit
