Nagpaabot karon sa final nga kumpirmasyon ang giingong 21 ka mga empleyado sa Lokal nga Pangagamhanan sa Malaybalay human migawas nga nagpositibo sa inisyal nga resulta sa gipahigayong mandatory drug test nilabayng Abril 23, 2026
Kini ang gibutyag sa pagkihinabi sa Juander Radyo Malaybalay, kang Jonah Ronolo, ang Focal Person sa City Anti-Drug Abuse Council (CADAC) diin kapin 3,500 ka mga opisyal ug empleyado nga gipaubos sa maong drug test
Giklaro ni Ronolo nga gipapahulay na una sa trabaho ang mga nasangpit samtang ginahulat ang confirmatory test result nga posibleng mogawas sulod sa usa ka bulan.
Dili usab awtomatikong tangtangon sa serbisyo ang mga magpositibo, kondili ipailalom una sila sa rehabilitasyon ug uban pang intervention programs.
Katuyuan sa maong mandatory drug test ang pagmintinar sa drug-free workplace sa gobyerno, samtang gihulat pa ang pinal nga resulta, nga maoy sukaranan sa kapalaran sa trabaho sa maong mga empleyado
Photo Courtesy: LGU Malaybalay City
