Nagtuo si Vina Morales nga dili sayon ang magpabilin sa industriya sa showbiz, apan ang husto nga pamatasan ug maayong pakikig-uban mao ang yawe aron magdugay sa natad sa maong trabaho.
Sa usa ka media conference sa Star Magic, iyang gibutyag nga bisan pa sa talento, kung wala kay maayong attitude ug dili ka mapainubsanon, dili gyud ka magdugay sa trabaho.
Matod niya, importante nga walay reklamo ang imong mga kauban sa set, ug dili ka mahimong problema sa production aron padayon kang tagaan og proyekto.
Gidugang pa ni Morales nga sa iyang kabataan, naagian niya ang mga intriga ug halos mihunong na unta siya sa showbiz, apan nakaamgo siya nga dili angay magpadala sa mga isyu.
Bisan pa sa nangagi, nagpabilin siyang propesyonal ug andam gihapon makatrabaho ang ubang personalidad sama ni Robin Padilla.
Sa pagkakaron, nagpabilin si Vina nga aktibo ug respetado sa industriya usa ka nagpamatuod nga ang maayong batasan ug pagka-mapainubsanon maoy tinuod nga sekreto sa pagkab-ot sa mga damgo sa kinabuhi.
Photo Courtesy: Philstar
