Gipatuman sa Supreme Court of the Philippines ang upat ka adlaw nga onsite work ug usa ka adlaw nga work-from-home nga sistema alang sa mga korte sa nasod.
Sumala sa memorandum nga giaprobahan ni Alexander Gesmundo, kini nga lakang kabahin sa energy conservation efforts sa gobyerno, ilabina tungod sa tensyon nga nagpadayon sa Middle East.
Ubos sa bag-ong setup, ang first ug second level courts magtrabaho og upat ka adlaw sa opisina ug usa ka adlaw sa balay. Bisan pa sa work-from-home, gikinahanglan nga magpabiling available sa telepono ug email ang mga huwes ug empleyado sa korte.
Samtang ang mga appellate courts sama sa Court of Appeals, Sandiganbayan, ug Court of Tax Appeals adunay lahi nga work arrangement, diin labing menos 25 porsiyento sa ilang empleyado kinahanglan motambong sa opisina.
Kinahanglan usab nga andam sila sa pag-atubang sa mga urgent nga kaso, lakip ang mga petisyon ug motion nga may kalabutan sa Anti-Money Laundering Act of 2001.
Gitugotan usab sa Korte Suprema ang paggamit sa videoconferencing sa mga hearing, apan klaro nga dili mahimong rason ang dili pag-apil sa video hearing aron kanselahon ang kaso.
Photo Courtesy: elegal Phillipines
