Pipila na ka mga ferry operators sa nasod ang nagsugod na sa pagpasaka sa ilang pletehan tungod sa nagpadayong krisis sa Middle East nga nagpataas sa presyo sa lana.
Gilauman nga sa Marso 10, mas daghan pang mga biyahe sa dagat ang mopatuman og umento sa pamasahe nga moabot ngadto sa 25 porsyento lakip na ang bayad sa mga rolling cargoes o mga sakyanan nga isakay sa barko.
Matod ni Christopher Pastrana, ang chairman sa Philippine Interisland Shipping Association o PISA, dili na makaya sa mga kompanya sa barko ang sige-sige nga pagsaka sa presyo sa petrolyo hinungdan nga mapugos sila sa pagpatuman og 10 hangtod 30 porsyento nga usbaw.
Tungod niini, nanawagan ang grupo sa gobyerno nga tangtangon ang excise tax sa lana ug uban pang mga buwis nga gipahamtang sa mga shipping companies aron maibsan ang bug-at nga galastuhan sa operasyon.
Photo Courtesy: The Maritime Review
