Giklaro sa Department of Education (DepEd) nga ang klase sa mga pampublikong tunghaan sa nasod dili sakop sa gisugyot nga four-day work week sa gobyerno.
Matod ni Education Secretary Sonny Angara, ang mga buhatan lang sa DepEd ang sakop sa upat ka adlaw nga semana sa trabaho.
Sa sayo pa, si Pres. Ferdinand Marcos Jr., nipahibawo nga sugod karong adlawa, Lunes, Marso 9, pipila ka mga ahensya ubos sa executive branch ang mopatuman og upat ka adlaw nga semana sa trabaho.
Tumong niini nga makadaginot sa enerhiya ug elektrisidad ug pagpangandam usab sa posibleng pagsaka sa presyo sa lana tungod sa tensiyon sa Middle East.
Sa laing bahin, si Angara nipagawas usab og direktiba ngadto sa mga publikong eskwelahan nga magpahigayon og simple apan makahuluganon nga graduation ug moving-up ceremonies alang sa pagtapos sa school year.
Makatabang kini aron malikayan ang dugang nga gasto sa mga ginikanan ug guardians.
Photo Courtesy: Inquirer. Net
